× ທະນາຄານນະໂຍບາຍ ສາຂາຜົ້ງສາລີ ອອກແຮງງານປູກຕົ້ນໄມ້ສາມັກຄີ
image

ພາບ-ຂ່າວໂດຍ: ມະນີຈັນ ພົມມະລາ ແລະ ແວວຍຸພາ ດວງຄໍາໄພ

 

      ໃນວັນທີ 01 ມີຖຸນາ 2018 ວັນປູກຕົ້ນໄມ້ແຫ່ງຊາດທີ່ຜ່ານມາ ທີ່ທະນາຄານ ນະໂຍບາຍ ສາຂາ ຜົ້ງສາລີ ໄດ້ມີການອອກແຮງງານປູກຕົ້ນໄມ້ສາມັກຄີພາຍໃນ ຂອບເຂດ ທະນາຄານ ນະໂຍບາຍ ສາຂາ ຜົ້ງສາລີ ໃຫ້ ຫ້ອງການ ທະນາຄານ ນະໂຍບາຍ ເປັນທະນາຄານສີຂຽວໃນອານາຄົດ, ໂດຍການນຳພາຂອງທ່ານ ສົມປະດິດ ຈັນທະສົມບັດ ຮັກສາການຫົວໜ້າສາຂາ ແລະ ຄະນະສາຂາ, ພ້ອມຄະນະຂະແໜງ, ຄະນະໜ່ວຍບໍລິການ ແລະ ພະນັກງານເຂົ້າຮ່ວມທັງໝົດ 20 ທ່ານ, ຍິງ 7 ທ່ານ, ໃນນັ້ນແມ່ນໝາກໄມ້ກິນໝາກຈໍານວນທັງໝົດ 63 ຕົ້ນ, ມີເບ້ຍໝາກໜັ້ນ 46 ຕົ້ນ, ເບ້ຍໝາກມ່ວງ 10 ຕົ້ນ, ເບ້ຍໝາກສີດາ 4 ຕົ້ນ, ເບ້ຍໝາກມີ້ 2 ຕົ້ນ, ເບ້ຍໝາກຫຼອດ 1 ຕົ້ນ.