× ກອງປະຊຸມຮັບຮອງໜ່ວຍສະຫະພັນແມ່ຍີງ ທນບ ສາຂາຫຼວງນ້ຳທາເປັນໜວ່ຍ 3ດີ ຄັ້ງວັນທີ 08/06/2018 ຮອບທີIII
image

ພາບ-ຂ່າວໂດຍ: ມີຢ່າງ ແສນໄຊ

      ໃນຕອນແລງເວລາ 14:30 ນາທີ ຂອງວັນທີ 08 ມີຖຸນາ 2018 ໜວ່ຍສະຫະພັນແມ່ຍິງ ທະນາຄານ ນະໂຍບາຍ ສາຂາຫຼວງນ້ຳທາ ໄດ້ເປີດກອງປະຊຸມຮັບຮອງ ໜວ່ຍສະຫະພັນແມ່ຍີງ ທະນາຄານ ນະໂຍບາຍ ສາຂາຫຼວງນ້ຳທາ ເປັນໜວ່ຍ 3 ດີ ຄັ້ງວັນທີ 08 ມິຖຸນາ 2018 ຮອບທີ III ຂື້ນຢ່າງເປັນທາງການ ທີ່ຫ້ອງປະຊຸມໃຫຍ່ ຊັ້ນ 3 ທນບ ສາຂາຫຼວງນ້ຳທາ ໂດຍເປັນປະທານກອງປະຊຸມຂອງ ທ່ານ ນ ບົວລີນນີ ວົງບຸບຜາ ຄະນະໜວ່ຍແມ່ຍິງ ທນບ, ເປັນກຽດເຂົ້າຮ່ວມກອງປະຊຸມໂດຍ ທ່ານ ນ ຄຳແພງ ຫຼວງລືໄຊ ກຳມະການພັກແຂວງ ຄະນະບໍລິຫານງານສູນກາງສະຫະພັນແມ່ຍີງລາວ ປະທານສະຫະພັນແມ່ຍີງແຂວງ, ທ່ານ ແສງໝັ້ນ ແກ້ວເມືອງເໜືອ ເລຂາໜວ່ຍພັກ ທນບ ແລະ ທ່ານ ນ ນວນສີ ຄຸນສີລິເຮືອງ ຄະນະບໍລິຫານງານສະຫະພັນແມ່ຍີງແຂວງ, ມີແຂກຖືກເຊີນມາຈາກໜວ່ຍອອ້ມຂ້າງຂົງເຂດທະນາຄານທຸລະກິດ ແລະ ຜູ້ຕາງໜ້າອົງການຈັດຕັ້ງ ມະຫາຊົນ ທນບ  ພ້ອມດວ້ຍສະມາຊີກແມ່ຍີງ ລວມທັງໝົດຈຳ ນວນ 14 ທ່ານ ຍີງ 13 ທ່ານ.
      ກອງປະຊຸມ ທ່ານ ນ ບົວລີນນີ ວົງບຸບຜາ ຄະນະໜວ່ຍແມ່ຍິງ ທນບ ໄດ້ຜ່ານບົດສະຫຼູບການເຄື່ອນໄຫວຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 3 ດີ ຮອບທີ III ຂອງໜ່ວຍສະຫະພັນແມ່ຍິງ ທນບ ປີ 2017 ແລະ ແຜນການທິດທາງປີ 2018. ຫຼັງຈາກນັ້ນແຂກຖືກເຊີນ ແລະ ບັນດາຜູ້ແທນກອງປະຊຸມກໍ່ໄດ້ຄົ້ນຄວ້າປະກອບຄຳຄິດຄຳເຫັນ ຕໍ່ຮ່າງບົດສະຫຼຸບຢາງກົງໄປກົງມາ ແລະ ໄດ້ຕົກລົງເຫັນດີເປັນເອະພາບຮັບຮອງຮ່າງບົດສະຫຼຸບດັ່ງກ່າວ.
ຕອນທ້າຍກອງປະຊຸມ ທ່ານ ນ ຄຳແພງ ຫຼວງລືໄຊ ປະທານສະຫະພັນແມ່ຍີງແຂວງ ຍັງໃຫ້ກຽດໂອ້ລົມ ແລະ ໃຫ້ທິດຊີ້ນຳບາງດ້ານ ພ້ອມກັນນັ້ນທ່ານຍັງໄດ້ໃຫ້ກຽດ ມອບໃບຢັ້ງຢືນຮັບຮອງໜວ່ຍ ເປັນໜວ່ຍ 3 ດີ ແລະ ໃບຍ້ອງຍໍບຸກຄົນ 3 ດີ ຈຳນວນ 11 ທ່ານ. ກອງປະຊຸມຄັ້ງນີ້, ມີບັນຍາກາດຟົດຟື້ນດີ ແລະ ບັນລຸຜົນສຳເລັດຕາມຈຸດປະສົງຢ່າງຈົບງາມໄດ້ປິດລົງ  ເວລາ16: 00 ນາທີ ຂອງວັນດຽວກັນ.