× ບັ້ນຝຶກອົບຮົມວຽກງານສິນເຊື່ອ ທນບ ສາຂາຫົວພັນ ຄັ້ງວັນທີ 14-15 ພຶດສະພາ 2018
image

ພາບ-ຂ່າວໂດຍ: ຊົງລີ ຢາລື້ໄຊ

      ຕອນເຊົ້າ ທີ 14 ພຶດສະພາ 2018 ນີ້ ຢູ່ທີ່ຫ້ອງປະຊຸມໃຫຍ່ ຊັ້ນ III ຫ້ອງການ ທະນາຄານ ນະໂຍບາຍ ສາຂາຫົວພັນ ໄດ້ຈັດພິທິບັ້ນເຝິກອົບຮົມວຽກງານສິນເຊື່ອຂື້ນ ໂດຍການເປັນປະທານຂອງ ທ່ານ ສີສຸພັນ ໂພໄຊສີ ຮອງຜູ້ອຳນວຍການ ທະນາຄານ ນະໂຍບາຍ, ມີບັນດາທ່ານຄະນະສາຂາ, ຮອງຂະແໜງເກັບກູ້ໜີ້ສິນ ສຳນັກງານໃຫ່ຍ, ຫົວໜ້າ-ຮອງຫົວໜ້າແຕ່ລະຂະແໜງການ, ຫົວໜ້າ-ຮອງຫົວໜ້າແຕ່ລະໜ່ວຍບໍລິການ ແລະ ອ້າຍນ້ອງພະນັກງານວິຊາການສິນເຊື່ອທົ່ວສາຂາ ເຂົ້າຮ່ວມລວມທັງໝົດຄັ້ງນີ້ 37 ທ່ານ, ໃນນັ້ນມີຍິງ 02 ທ່ານ.
      ບັ້ນຝຶກອົບຮົມ ທ່ານ ປະທານ ໄດ້ກ່າວເປີດພິທິ ແລະ ມີຄຳເຫັນເໜັ້ນໜັກ ໃຫ້ກັບອ້າຍນ້ອງພະນັກງານທຸກທ່ານ ເອົາໃຈໃສ່ຕັ້ງໜ້າສຶກສາກັບບັນດານິຕິກຳເຝິກອົມຮົມຄັ້ງນີ້ ເພື່ອໃຫ້ເຂົ້າໃຈລະອຽດຈະແຈ້ງຕໍ່ເນື້້ອໃນທິດສະດີ, ຜູ້ເຂົ້າຮ່ວມໄດ້ຍົກເອົາພຶດຕິກຳທີ່ປະຕິບັດຜ່ານມາ ສົມທຽບໃສເອກະສານນິຕິກຳ ສະບັບເລກທີ 1655/ທນບ ລົງວັນທີ 03/11/2014, ເລກທີ 1110/ທນບ, ລົງວັນທີ 27/ 07/ 2016, ເລກທີ 806/ທນບ, ລົງວັນທີ 22/07/2013, ເລກທີ 1109/ທນບ, ລົງວັນທີ 27/07/2016 ແລະ ສະບັບເລກທີ 1593/ທນບ, ລົງວັນທີ 16/10/2014.
      ສະພາບລວມຜ່ານການເຝິກອົບຮົມຄັ້ງນີ້ ໄດ້ເຮັດໃຫ້ບັນດາທ່ານ ນັກສຳມະນາກອນ ໄດ້ເຂົ້າໃຈລະອຽດຕື່ມຕໍ່ກັບບັນດານິຕິກຳຕ່າງໆ ສະແດງອອກຈາກການຖາມ-ຕອບ ມີບັນຍາກາດດີ. 
      ຕອນທ້າຍ ທ່ານ ສີສຸພັນ ໂພໄຊສີ ຮອງຜູ້ອຳນວຍການ ໄດ້ມີທິດຊີ້ນຳ ເໜັ້ນໜັກໃຫ້ນັກສຳມະນາກອນທຸກທ່ານ ເອົາໃຈໃສ່ນຳບົດຮຽນທີ່ໄດ້ເຝີກອົບຮົມຄັ້ງນີ້ ໄປຈັດຕັ້ງປະຕິບັດໃຫ້ໄດ້ຮັບຜົນສຳເລັດດີກວ່າສຸ່ມປີທີ່ຜ່ານມາ, ພ້ອມທັງເປັນເຈົ້າການໃນການຈັດຕັ້ງປະຕິບັດທຸກໜ້າທີ່ວຽກງານຕ່າງໆໃຫ້ສຳເລັດເລັດຕາມຄາດໝາຍ. 
      ການເຝີກອົບຮົມ ໄດ້ປິດລົງຢ່າງເປັນທາງການໃນເວລາ 16 ໂມງ 30 ນາທີ ຂອງວັນທີ 15 ພຶດສະພາ 2018