× ທນບ ສາຂາຫຼວງນ້ຳທາໄດ້ຈັດຝຶກອົບຮົມວຽກງານວິຊາສະເພາະ ແລະ ເປີດກອງປະຊຸມສະຫຼຸບວຽກງານຮອບດ້ານ 6ເດືອນຕົ້ນປີ ແລະ ທິດທາງແຜນການ 6ເດືອນທ້າຍປີ 2018
image

ພາບ-ຂ່າວໂດຍ: ມີຢ່າງ ແສນໄຊ

      ເມື່ອວັນທີ 23 - 24 ສີງຫາ 2018 ທະນາຄານນະໂຍບາຍ ສາຂາຫຼວງນ້ຳທາ ໄດ້ຈັດເຝີກອົບຮົມວຽກງານວິຊາສະເພາະ ແລະ ເປີດກອງປະຊຸມສະຫຼຸບວຽກງານຮອບດ້ານ 6 ເດືອນຕົ້ນປີ  ແລະ ທິດທາງແຜນການ 6 ເດື້ອນທ້າຍປີ ປີ 2018 ຢູ່ທີຫ້ອງການທະນາຄານນະໂຍບາຍ ສາຂາຫວງນ້ຳທາ ຊັ້ນ 3 ໂດຍການເປັນປະທານ ທ່ານ ແສງໝັ້ນ ແກ້ວເມືອງເໜືອ ເລຂາໜວ່ຍພັກ ຫົວໜ້າທະນາຄານນະໂຍບາຍ ສາຂາຫຼວງນ້ຳທາ ພະນັກງານເຂົ້າຮ່ວມມີ ຮອງຫົວໜ້າ ສາຂາ, ຫົວໜ້າຫ້ອງການປະສານງານ, ຫົວໜ້າຂະແໜງ, ຮອງຫົວໜ້າຂະແໜງ, ຫົວໜ້າໜວ່ຍ, ຮອງຫົວໜ້າໜວ່ຍ, ແລະ ພະນັກງານວິຊາການລວມທັງໝົດຈຳນວນ 31 ທ່ານ ຍີງ 5 ທ່ານ.

      ໃນວັນທີ 23 ສີງຫາ 2018 ໄດ້ມີການເຝີກອົບຮົມວຽກງານວິຊາສະເພາະຕາມແຕ່ລະຂະແໜງການຄື: ວຽກ ງານສີນເຊື່ອ ເຝີກອົບຮົມກຽວກັບການນຳໃຊ້ຄູ່ມືສີນເຊື່ອລາຍກຸ່ມ, ແຈ້ງການແນະນຳການແກ້ໄຂໜີ້ສີນ ຕົ້ນທືນ ແນະນຳການປະຕິບັດວຽກງານສີນເຊື່ອໃນລະບົບຄໍແບ້ງຄິງ. ວຽກງານບັນຊີ-ໄອທີ ແນະນຳກ່ຽວກັບການຈັດຕັ້ງປະຕິບັດວຽກງານບັນຊີຢູ່ໃນລະບົບແບ້ງ ແລະ ລະບົບຄໍ. ວຽກງານຫ້ອງການ-ຈັດຕັ້ງພະນັກງານ ແນະນຳກ່ຽວກັບວີທີການປະກອບເອກະສານຖອນລາຍຈ່າຍ ແລະ ວິທີການຮ່າງເອກະສານຕ່າງໆ. ວຽກງານກວດກາ ແນະກ່ຽວກັບວິທີການເອົາຕົວເລກທຸລະກິດຢູ່ໃບລາຍງານຖານະການເງີນເຂົ້າແບບຟອມລາຍງານປະຈຳເດືອນ. ສະພາບການເຝີກອົບຮົມຄັ້ງນີ້ ເຮັດໃຫ້ພະນັກງານເຂົ້າໃຈໄດ້ຢ່າງເລີກເຊີ່ງ ໂດຍສະແດງອອກມາຈາກການຕັ້ງຄຳຖາມ - ຕອບຄຳຖາມ. ຫຼັງຈາກນັ້ນ, ທ່ານ ຫົວໜ້າສາຂາ ຍັງເຜີຍແຜ່ບົດບັນທືກກອງປະຊຸມ ເລກທີ 974/ທນບ ວ່າດວ້ຍກອງປະຊຸມ ສະຫຼຸບ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2018 ຂອງ ສຳນັກງານໃຫຍ່.

      ຕໍ່ມາໃນວັນທີ 24 ສີງຫາ ປີ 2018 ກອງປະຊຸມໄດ້ຮັບຟັງການຜ່ານບົດສະຫຼຸບໂດຍ ທ່ານ ສີຟອງ ແກ້ວກົງຕາ ຮອງຫົວໜ້າສາຂາ ບົດສະຫຼຸບກ່ຽວກັບການເຄື່ອນໄຫວວຽກງານຮອບດ້ານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ໂດຍຫຍໍ້ ແລະ ສັງລວມຕີລາຄາຄືນຂອດການຈັດຕັ້ງປະຕິບັດເນື້ອໃນຂໍ້ແຂ່ງຂັນຮັກຊາດພັດທະນາ ໃນ 6 ເດືອນຕົ້ນປີ 2018 ເຊີ່ງໄດ້ຍົກໃຫ້ເຫັນວຽກງານດ້ານດີ, ດ້ານອອ່ນ, ຂໍ້ຄົງຄ້າງໃນການຈັດຕັ້ງປະຕິບັດວຽກງານໃນໄລຍະຜ່ານມາ. ຫຼັງຈາກນັ້ນ, ຜູ້ຕາງໜ້າຂະແໜງການ ແລະ ໜວ່ຍບໍລິການກໍ່ໄດ້ສະຫຼຸບວຽກງານ ການເຄື່ອນໄຫວໃນໄລຍະຜ່ານມາ  ເພື່ອປືກສາຫາລືຊອກວິທີທາງແກ້ໄຂບັນຫາຕ່າງໆ ແລະ ຜູ້ເຂົ້າຮວ່ມກອງປະຊຸມຍັງໄດ້ປະກອບຄຳຄິດຄຳເຫັນຕໍ່ບົດສະຫຼຸບຢ່າງກົງໄປກົງມາ ເພື່ອໃຫ້ການຈັດຕັ້ງປະຕິບັດວຽກງານໃນຕໍ່ໜ້າໃຫ້ໄດ້ໝາກຜົນດີກວ່າເກົ່າ

       ຕອນທ້າຍກອງປະຊຸມ ທ່ານ ຫົວໜ້າສາຂາ ໄດ້ເໜັ້ນໜັກໃຫ້ເອົາໃຈໃສ່ສືກສາອົບຮົມດ້ານແນວຄິດການເມືອງໃຫ້ພະນັກງານ, ເປັນເຈົ້າການໃນວຽກງານກວດກາຢ່າງແຂງແຮງເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້, ເປັນເຈົ້າການໃນການປັບປຸງແບບແຜນວິທິການເຮັດວຽກ ແລະ ວິທິນຳພາ ດ້ານວຽກງານວິຊາສະເພາະເອົາໃຈໃສ່ ເອົາແຜນເງີນກູ້ ປີ 2019 ໃຫ້ສຳເລັດໃນເດືອນ 10 ປີ2018 ການສະໜອງສີນເຊື່ອໃຫ້ເຂົ້າເຖິງຄອບຄົວທຸກຍາກ ໃຫ້ເບີ່ງຕາມເງື່ອນໄຂສະພາບຄວາມເປັນຈີງຂອງລູກຄ້າ, ການປ່ອຍເງີນກູ້ໃຫ້ຖືກຕ້ອງຕາມເປົ້າໝາຍ ໂຄງການຂອງເມືອງ ແລະ ແຂວງ, ເອົາໃຈໃສ່ເກັບກູ້ໜີ້ສີນ PL, NPL ທັງຕົ້ນທືນ ແລະ ດອກເບ້ຍ ໃຫ້ລຸດລົງຕາມແຜນການ, ຊອກຮູ້ຮໍ່າຮຽນວີຊາທີ່ສອດຄ່ອງກັບວຽກງານວີຊາສະເພາະຕື່ມອີກ, ໃຫ້ມີຄວາມກະຕືລືລົ້ນໃນການເຮັດວຽກຫຼາຍຂື້ນກວ່າເກົ່າ, ເອົາໃຈໃສ່ການປ້ອງການເວນຍາມໃຫ້ເປັນປົກກະຕິ, ເປັນເຈົ້າການປະຕິບັດກົດລະບຽບຢ່າງເຂັ້ມງວດ, ເອົາໃຈໃສ່ຂອດການປະສານງານລະຫວ່າງຂະແໜງການ ແລະ ພາກສວ່ນທີ່ກ່ຽວຂ້ອງຢ່າງໃກ້ສິດ.

      ກອງປະຊຸມໄດ້ດຳເນີນເປັນເວລາ 2 ວັນ ໄດ້ປິດລົງ ເວລາ 4:30 ໂມງ ຂອງວັນດຽວກັນ