× ການເຂົ້າຮ່ວມງານສະເຫຼີມສະຫຼອງວັນສ້າງຕັ້ງ ທະນາຄານແຫ່ງ ສ ປປ ລາວ ປະຈຳພາກເໜືອ ແຂວງຫຼວງພະບາງ
image

ພາບ-ຂ່າວໂດຍ: ວິລະພອນ ພອນວິຈິດ
      ເພື່ອເປັນການສະເຫຼີມສະຫຼອງວັນສ້າງຕັ້ງທະນາຄານແຫ່ງ ສປປ ລາວ ຄົບຮອບ 50 ປີ(ວັນທີ 07 ຕຸລາ 1968 - ວັນທີ 07 ຕຸລາ 2018) ທະນາຄານແຫ່ງ ສ ປປ ລາວ ພາກເໜືອທີ່ ແຂວງ ຫຼວງພະບາງໄດ້ຈັດງານຂະບວນການແຂ່ງຂັນກິລາຂື້ນຮ່ວມກັບບັນດາທະນາຄານທຸລະກິດລັດ,ທະນາຄານຮ່ວມທຸລະກິດ ເອກະຊົນ ແລະ ບັນດາຮ້າງຮ້ານແລກປ່ຽນ ຈຳນວນ 02 ແຂວງເຂົ້າຮ່ວມຄື ແຂວງຫຼວງພະບາງ ແລະ ແຂວງໄຊຍະບູລີ ຢູ່ທີ່ເດີນກິລາ ນາຫຼວງ ແຂວງຫຼວງພະບາງ.
      ໃນເວລາ 7 ໂມງເຊົ້າຂອງວັນທີ 29 ກັນຍາ 2018 ໄດ້ມີການເຕົ້າໂຮມບັນດາ ທະນາຄານທຸລະກິດພາຍໃນແຂວງ ແລະ ສະຖາບັນການເງິນຕ່າງໆເຂົ້າຮ່ວມຢ່າງພ້ອມພຽງ, ໃນພິທີ ທ່ານ ບຸນລ້ອມ ພົງຈະເລີນ ຮອງຫົວໜ້າ ທະນາຄານ ແຫ່ງ ສປປ ລາວ ພາກເໜືອທີ່ແຂວງຫຼວງພະບາງ ໄດ້ຂື້ນກ່າວເປີດພິທີ ແລະ ໄດ້ກ່າວເຖິງການເຄື່ອນໄຫວ,ພາລະບົດບາດການຈັດຕັ້ງປະຕິບັດວຽກງານໄລຍະຜ່ານມາໃນຂົງເຂດວຽກງານທະນາຄານຢູ່ພາຍໃນ 2 ແຂວງ, ເຊີ່ງການສະເຫຼີມສະຫຼອງໃນຄັ້ງນີ້້ ທະນາຄານນະໂຍບາຍ ສາຂາຫຼວງພະບາງກໍ່ເປັນອີກ 1 ທະນາຄານໃນການເຂົ້າຮ່ວມງານດັ່ງກ່າວ,ພາຍໃນງານໄດ້ມີການຈັດຂະບວນການແຂ່ງຂັນກິລາຂື້ນ 03 ປະເພດຄື: ກິລາບານເຕະ ຍິງ-ຊາຍ,ກິລາດືງເຊືອກຍິງ-ຊາຍ ແລະ ກິລາແລ່ນໄຖ່ຍິງ-ຊາຍ.
      ສະຫຼບຜົນຂອງການແຂ່ງຂັນນັດຊີງຊະນະເລີດກິລາບານເຕະຊາຍລະຫວ່າງທະນາຄານຮ່ວມທຸລະກິດ ແຂວງຫຼວງພະບາງ ພົບກັບທະນາຄານຮ່ວມທຸລະກິດ ແຂວງໄຊຍະບູລີ, ຜົນຂອງການແຂ່ງຂັນປະກົດວ່າ ທະນາຄານຮ່ວມທຸລະກິດລັດສາຂາຫຼວງພະບາງສາມາດຍາດໄດ້ອັນດັບ 1 ດ້ວຍຄະແນນ 2:0 ປະຕູ, ກິລາດືງເຊືອກເປັນການພົບກັນລະຫວ່າງ ທະນາຄານຮ່ວມທຸລະກິດລັດສາຂາຫຼວງພະບາງ ພົບກັບ ທີມສະຖາບັນການເງິນແຂວງຫຼວງພະບາງ ຜົນປະກົດວ່າທີມທະນາຄານຮ່ວທຸລະກິດລັດແຂງຫຼວງພະບາງຍາດມາໄດ້ອັນດັບ 1, ກິລາແລ່ນໄຖ່ຊາຍລວມມີນັກກິລາເຂົ້າຮ່ວມທັງໝົດ 30 ຄົນເຂົ້າຮ່ວມ ຜົນປະກົດການແຂ່ງຂັ້ນ ທ້າວ ເພັດຕິກອນ ປັນຍາສິດ ນັກກິລາຈາກທະນາຄານ ນະໂຍບາຍ ສາຂາ ຫຼວງພະບາງ ສາມາດຍາດໄດ້ອັນດັບ 1, ສຳລັບກິກາບານເຕະທີມຍິງເປັນການພົບກັນລະຫວ່າງທະນາຄານຮ່ວມທຸລະກິດແຂວງຫຼວງພະບາງ ພົວກັບ ທະນາຄານຮ່ວມທຸລະກິດ ແຂງໄຊຍະບູລີ ຜົນປະກົດວ່າ ທີມທະນາຄານຮ່ວມທຸລະກິດແຂວງຫຼວງພະບາງ ສາມາດຍາດໄດ້ອັນດັບ 1 ສຳລັຍກິລາດືງເຊືອກຍິງແລະກິລາແລ່ນໄຖ່ປະເພດຍິງ ແມ່ນທິມຈາກທະນາຄານ ແຫ່ງ ສ ປປ ລາວ ສາມາດຍາດມາໄດ້ອັນດັບ 1, ຫຼັງຈາກຈົບພິທີແຂ່ງຂັນໃນງານຍັງໄດ້ມີພາເຂົ້າສາມັກຄີຮ່ວມກັບບັນດາອ້າຍນ້ອງທະນາຄານທຸລະກິດເພື່ອເປັນການມ່ວນຊື່ນໂອ້ລົມຖອດຖອນບົດຮຽນນຳບັນດາອ້າຍທະນາຄານຢ່າງເປັນຂະບວນການຟົດຟື້ນຈົນມາຮອດເວລາ 18:00 ໂມງຖືວ່າສີ້ນສຸດພິທີ.