× ປະກາດການປັບປຸງການຈັດຕັ້ງ ພາຍໃນທະນາຄານ ນະໂຍບາຍ ສາຂາຫົວພັນ
image

ພາບຂ່າວໂດຍ: ຊົງລີ ຢາລື້ໄຊ

      ໃນຕອນແລງວັນພະຫັດ ທີ 01 ພະຈິກ 2018 ເວລາ 2 ໂມງ 45 ນາທີ ຢູ່ທີ່ຫ້ອງປະຊຸມໃຫ່ຍຊັ້ນ III ທະນາຄານນະໂຍບາຍ ສາຂາຫົວພັນ ໄດ້ເປີດກອງປະຊຸມປະກາດປັບປຸງການຈັດຕັ້ງ ພາຍໃຕ້ການເປັນປະທານຂອງທ່ານ ຄຳອົ້ນ ຈັນສຸລິມາດ ຮອງຜູ້ອຳນວຍການ ທະນາຄານນະໂຍບາຍ, ເຂົ້າຮ່ວມກອງປະຊຸມມີ ທ່ານ ພົງປະເສີດ ຄຳລືຊາ ວ່າການຫົວໜ້າ ພະແນກຫ້ອງການບໍລິຫານ, ທ່ານ ທີບພະກອນ ສູນດາລາ ວ່າການຫົວໜ້າ ພະແນກກວດກາພາຍໃນ, ທ່ານ ຄຳພັດ ແກ້ວວິໄລ ຮອງເລຂາໜ່ວຍພັກ ຮອງຫົວໜ້າສາຂາ, ທ່ານ ຈຳປາທອງ ທອງພັນ ວ່າການຫົວຫນ້າ ຂະແຫນງ (ພຈຕ), ມີຫົວຫນ້າ, ຮອງຫົວໜ້າແຕ່ລະຂະແຫນງການ, ຫົວຫນ້າ, ຮອງຫົວຫນ້າແຕ່ລະຫນ່ວຍບໍລິການ ແລະ ພະນັກງານວິຊາການພາຍໃນຫ້ອງການສາຂາເຂົ້າຮ່ວມລວມຄັ້ງນີ້ 26 ທ່ານ, ຍິງ 06 ທ່ານ.

      ວະລະກອງປະຊຸມ ທ່ານ ຄຳພັດ ແກ້ວວິໄລ ຮອງເລຂາໜ່ວຍພັກ ຮອງຫົວໜ້າສາຂາຫົວພັນ ໄດ້ຂື້ນຜ່ານບົດລາຍງານ ການເຄື່ອນໄຫວຮອບດ້ານໂດຍຫຍໍ້ ຂອງ ທະນາຄານນະໂຍບາຍ ສຂາຫົວພັນ ປະຈຳ09 ເດືອນ ປີ 2018.  ແລະ ອີກວາລະຕໍ່ມາ ທ່ານ ຈຳປາທອງ ທອງພັນ ຕາງໜ້າຄະນະຈັດຕັ້ງ ສຳນັກງານງານໃຫ່ຍ ໄດ້ຂື້ນຜ່ານຂໍ້ຕົກລົງ ວ່າດ້ວຍການຍົກຍ້າຍ ແລະ ແຕ່ງຕັ້ງ ຄະນະຜູ້ຊີ້ນຳຄົນໃໝ່ ທະນາຄານ ນະໂຍບາຍ ສາຂາຫົວພັນ.

      ກອງປະຊຸມໄດ້ຮັບຟັງການໂອ້ລົມ ຂອງທ່ານ ຄຳອົ້ນ ຈັນສຸລິມາດ ຮອງຜູ້ອຳນວຍການ ໂດຍທ່ານໄດ້ຍົກໃຫ້ເຫັນເຖິງດ້ານດີ ແລະ ການແຕ່ງຕັ້ງຍົກຍ້າຍຊັບຊ້ອນຄະນະສາຂາຄັ້ງນີ້ ຖືເປັນວຽກງານຕາມປົກກະຕິ ແລະ ເປັນການຕົກລົງເຫັນດີເປັນເອກະພາບ ຂອງຄະນະອຳນວຍການສຳນັກງານໃຫຍ່ ໂດຍໃຫ້ພະນັກງານຂັ້ນຕ່າງໆຕ້ອງຮັບຮູ້ເຂົ້າໃຈ ຕໍ່ການຍົກຍ້າຍ ແລະ ແຕ່ງຕັ້ງຄັ້ງນີ້ຢ່າງເລີກເຊີ່ງ ໃຫ້ພະນັກງານທຸກຄົນສັດສື່ບໍລິສຸດ, ມີຈັນຍະບັນຕໍ່ການປະຕິບັດໜ້າທີ່ວຽກງານ, ມີຄວາມເຊື່ອໝັ້ນເຂັ້ມແຂງ, ອຸ່ນອຽນທຸ່ນທ່ຽງຫຼີກລຽງບັນຫາປະກົດການຫຍໍ້ທໍ້, ເອົາໃຈໃສ່ເຮັດວຽກງານການເມືອງແນວຄິດກັບບັນດາອ້າຍນ້ອງພະນັກງານຂັ້ນຕ່າງໆ, ປັບປຸງແບບແຜນວິທເຮັດວຽກ, ປະຕິບັດຫຼັກການລວມສູນປະຊາທິປະໄຕ, ເອົາໃຈໃສ່ຕິດຕາມກວດກາ ແລະ ມີລະບຽບວິໄນ ເດັດຂາດໃນການປະຕິບັດໜ້າທີ່ວຽກງານ, ເສີ້ມຂະຫຍາຍແບບແຜນວິທີບັນດານິຕິກຳກັບປະຊາຊົນທ້ອງຖິ່ນ ເພື່ອຜົນປະໂຫຍດຂອງປະຊາຊົນ, ຫັນເອົາທິດຊີ້ນຳຂອງຂັ້ນເທີງເພື່ອໃຫ້ທົ່ວເຖີ່ງສຸ່ມໃສບັນດຈຸດສຸ່ມ, ຍົກສູງ ແລະ ແບ່ງຄວາມຮັບຜິດຊອບພ້ອມກັນສະກັດກັ້ນບັນຫາຫຍໍ້ທໍ້ບໍ່ໃຫ້ເກີດມີຊ່ອງວ່າງ, ການປະຕິບັດວຽກງານຕ້ອງມີການພົວພັນເຊີ່ງກັນ ແລະ ກັນກັບລະບົບອຳນາດການປົກຄອງຕາມແຕ່ລະຂັ້ນຢ່າງເປັນປົກກະຕິ

      ຕອນທ້າຍກອງປະຊຸມ ທ່ານ ທີບພະກອນ ສູນດາລາ ໄດ້ຂື້ນຮັບການໂອວາດຈາກຂັ້ນເທິງ ແລະ ກອງປະຊຸມໄດ້ປິດລົງໃນ ເວລາ 16 ໂມງ 25 ນາທີ ຂອງວັນດຽວກັນ