× ທ່ານ ວຸດທິ ເລື່ອນວິໄລວົງ ຜູ້ອຳນວຍການ ໂອ້ລົມພະນັກງານ ທະນາຄານນະໂຍບາຍ ສາຂາ ຫຼວງນ້ຳທາ.
image

        ໃນຕອນເຊົ້າວັນທີ່ 14 ພະຈີກ 2018 ເວລາ 9:30 ນາທີ  ທະນາຄານນະໂຍບາຍ ສາຂາ ຫຼວງນ້ຳທາ ໄດ້ເປີດກອງປະຊຸມຂື້ນທີ່ຫ້ອງປະຊຸມໃຫຍ່ ຊັ້ນ III ຫ້ອງການທະນາຄານນະໂຍບາຍ ສາຂາ ຫຼວງນ້ຳທາ, ພາຍໃຕ້ການເປັນປະ ທານຂອງ ທ່ານ ວຸດທິ ເລື່ອນວິໄລວົງ ຜູ້ອໍານວຍການ ທະນາຄານນະໂຍບາຍ, ເປັນກຽດເຂົ້າຮ່ວມໂດຍ ທ່ານ ແສງໝັ້ນ ແກ້ວເມືອງເໜືອ ຫົວໜ້າທະນາຄານນະໂຍບາຍ ສາຂາຫຼວງນ້ຳທາ,  ມີຮອງຫົວໜ້າພະແນກສິນເຊື່ອ ສຳນັກງານໃຫຍ່,  ຮອງສາຂາ, ຫົວໜ້າຂະແໜງ, ຮອງຫົວໜ້າຂະແໜງ, ຫົວໜ້າໜວ່ຍ, ຮອງຫົວໜ້າໜວ່ຍ ແລະ ພະນັກງານວິຊາການ ເຂົ້າຮ່ວມທັງໝົດ 28 ທ່ານ ຍີງ 11 ທ່ານ. 
        ກອງປະຊຸມ ທ່ານ ຫົວໜ້າສາຂາ ກໍ່ໄດ້ຂື້ນລາຍງານສະພາບການເຄື່ອນໄຫວຽກງານໃນການຈັດຕັ້ງປະຕິບັດວຽກງານໄລຍະຜ່ານມາໂດຍຫຍໍ້ ເຊີ່ງຍົກໃຫ້ເຫັນດ້ານດີ, ດ້ານອອ່ນ, ຂໍ້ຄົງຄ້າງ ແລະ ວິທີທາງແກ້ໄຂ.
        ຕອນທ້າຍກອງປະຊຸມ ທ່ານ ຜູ້ອຳນວຍການ ທະນາຄານນະໂຍບາຍ ໄດ້ໃຫ້ຄຳໂອ້ລົມແກ່ພະນັກງານໃຫ້ທົບທວນຄືນພາລະບົດບາດ ແລະ ໜ້າທີ່ຂອງທະນາຄານນະໂຍບາຍ, ເອົາໃຈໃສ່ເຊື່ອມຊືມແນວທາງນະໂຍບາຍຂອງພັກ - ລັດ,ເອົາໃຈໃສ່ລວມພາຍໃນຂະແໜງການ ທຸກໆວັນສຸກ, ໃຫ້ສາຂາຂື້ນແຜນກຳນົດພະນັກງານການນໍາຂັ້ນຂະແໜງ ແລະຂັ້ນໜ່ວຍບໍລິການ, ເອົາໃຈໃສ່ວຽກງານວິຊາສະເພາະ ວຽກງານສິນເຊື່ອ ໂດຍສະເພາະໃຫ້ກວດກາກ່ອນປ່ອຍສິນເຊື່ອ ແລະ ຫຼັງປ່ອຍໃຫ້ຖືກຕ້ອງຕາມເປົ້າໝາຍ, ວຽກງານກວດກາໃຫ້ເປັນເສນາທິການແກ່ຄະນະສາຂາ ກວດກາ ແລະ ສະກັດກັ້ນຕ້ານປະກົດການຫຍໍ້ທໍ້ທີ່ຕິດພັນກັບພະນັກງານ,  ໃຫ້ມີຄວາມສາມັກຄີພາຍໃນພະນັກງານ,  ປະຕິດບັດວຽກງານຕາມຫຼັກການລວມສູນປະຊາທິປະໄຕ ຊ່ວຍເຫຼືອເຊີ່ງກັນ ແລະ ກັນ.  ກອງປະຊຸມໄດ້ປິດລົງ ເວລາ 11:30 ນາທີ ຂອງວັນດຽວກັນ.