× ທນບ ສາຂາຫຼວງນ້ຳທາ ຈັດກອງປະຊຸມປະເມີນຂໍ້ແຂງຂັນ 4ບຸກ ປະຈໍາປີ 2018 ຄັ້ງທີIII ຮອບທີII ແລະກອງປະຊຸມໃຫຍ່ຄັ້ງທີII ຂອງໜ່ວຍຊາວໜຸ່ມ
image

ພາບ-ຂ່າວໂດຍ: ພອນສະນິດ ສຸປັນຍາ

      ໃນຕອນແລງວັນທີ 04 ທັນວາ 2018 ໜວ່ຍຊາວໜຸ່ມ 4 ບຸກ  ທນບ ສາຂາຫຼວງນ້ຳທາ ໄດ້ຈັດກອງປະຊຸມໃຫຍ່ຄັ້ງທີ່  II  ຂື້ນຢ່າງເປັນທາງການ  ຢູ່ທີ່ຫ່ອງປະຊຸມໃຫຍ່ຊັ້ນ 3  ໂດຍການເປັນປະທານ ທ່ານ ນາງ ສົມໃຈນຶກ ຕັນນະວົງເລຂາໜວ່ຍຊາວໜຸ່ມ, ໃຫ້ກຽດເຂົ້າຮວ່ມໂດຍ ທ່ານ ສິງທະລາທອງ ສາຍຫຍ້າທອງ  ຮອງເລຂາຄະນະບໍລິຫານງານຊາວໜຸ່ມແຂວງ ແລະ ທ່ານ ແສງໜັ້ນ ແກ້ວເມືອງເໜືອ ເລຂາໜວ່ຍພັກ ຫົວໜ້າທະນາຄານນະໂຍບາຍສາຂາຫຼວງນໍ້າທາ, ມີແຂກຖືກເຊີນມາຈາກໜວ່ຍອອ້ມຂ້າງຂົງເຂດທະນາຄານຄື: ທະນາຄານການຄ້າຕ່າງປະເທດລາວມະຫາຊົນ,  ທະນາຄານພັດລາວ ແລະ ທະນາຄານສົ່ງເສີມກະສິກໍາ, ຫ້ອງວ່າການ  ພ້ອມດວ້ຍສະມາຊີກທັງໝົດຈຳນວນ  22  ສະຫາຍ,  ຍີງ 8 ສະຫາຍ.
      ກອງປະຊຸມ  ສະຫາຍເລຂາໜ່ວຍຊາວໜຸ່ມໄດ້ຜ່ານຮ່າງປະເມີນຂໍ້ແຂງຂັນ 4 ບຸກ  ປະຈໍາປີ  2018  ແລະ ທິດທາງແຜນການ ປີ 2019  ແລະ ຜ່ານບົດສະຫຼຸບໃນໄລຍະ 5 ປີຜ່ານມາ ແລະ ທິດທາງແຜນການ 5 ປີໃນຕໍ່ໜ້າ, ຜູ້ແທນກໍ່ໄດ້ຕົກລົງເຫັນດີເປັນເອະພາບຕໍ່ບົດສະຫຼຸບດັ່ງກ່າວ  ພ້ອມນັ້ນກໍ່ໄດ້ມີການປ່ອນບັດເລືອກຕັ້ງຄະນະໜວ່ຍຊຸດໃໝ່ມີຜູ້ສະໝັກ 5 ສະຫາຍປ່ອນເອົາ 3 ສະຫາຍ ໄດ້ຕາມລະດັບຄາດໝາຍ, ຕອນທ້າຍກອງປະຊຸມໄດ້ຟັງຄຳໂອ້ລົມຂອງ ສະຫາຍສິງທະລາທອງ ແກ້ວຫຍ້າທອງ ຄະນະບໍລິຫານງານຊາວໜຸ່ມແຂວງ  ແລະ  ພ້ອມທັງມອບຮັບໃບຍ້ອງຍໍກົມກອງ  ແລະ ບຸກຄົນດີເດັ່ນ.
      ກອງປະຊຸມດັ່ງກ່າວໄດ້ສຳເລັດລົງຢ່າງຈົບງາມ ແລະ ປິດລົງໃນເວລາ 4:00 ໂມງຂອງວັນດຽວກັນ.