× ທນບ ສາຂາຫຼວງນ້ຳທາ ໄດ້ເປີດພິທີປະຖະກາຖາວັນສ້າງຕັ້ງ ທນບ ຄົບຮອບ 12 ປີ
image

ພາບ-ຂ່າວໂດຍ: ພອນສະນິດ ສຸປັນຍາ
      ຕອນເຊົ້າເວລາ 08:30  ຂອງວັນທີ  29  ມັງກອນ 2019 ທະນາຄານນະໂຍບາຍ ສາຂາຫຼວງນ້ຳທາ ໄດ້ມີພິທີ ປະຖະກາຖາ  ວັນສ້າງຕັ້ງ ທນບ ຄົບຮອບ 12 ປີ ຢູ່ທີ່ຫ້ອງປະຊຸມຊັ້ນ 3  ພາຍໃຕ້ການເປັນປະທານຂອງ ທ່ານ ສີຟອງ ແກ້ວກົງຕາ  ຮອງຫົວໜ້າ  ທະນາຄານນະໂຍບາຍ ສາຂາຫຼວງນໍ້າທາ ແລະ ມີພະນັກງານພາຍໃນສາຂາເຂົ້າຮ່ວມທັງໝົດ 19 ຄົນ, ຍີງ 9 ຄົນ.
      ກອງປະຊຸມ ທ່ານ  ຮອງຫົວໜ້າ ສາຂາ  ໄດ້ຜ່ານແຈ້ງການ ເລກທີ 147/ ທນບ,  ວ່າດ້ວຍຈັດຕັ້ງເຜີຍແຜ່ວັນສ້າງຕັ້ງ ທະນາຄານນະໂຍບາຍລາຍ ຄົບຮອບ 12 ປີ  ( ວັນທີ 29 ມັງກອນ 2007 ຫາ  ວັນທີ 29 ມັງກອນ 2019 )  
ແລະ ກອງປະຊຸມຍັງໄດ້ຮັບຟັງການເຜີຍແຜ່ເອກະສານ ບົດລາຍງານ ສະພາບການເຄື່ອນໄຫວ  ທະນາຄານນະໂຍບາຍຄົບ
ຮອບ 12 ປີ, ເພື່ອເລົ່າເຖິງປະຫວັດຄວາມເປັນມາ ແລະ ການເຕີບໃຫຍ່ຂະຫຍາຍໂຕ  ຂອງ ທະນາຄານນະໂຍບາຍ  ຫຼັງຈາກນັ້ນ ທ່ານ ຮອງຫົວໜ້າ ສາຂາ ຍັງໄດ້ຜ່ານ  ໜັງສືຂອບໃຈ ຂອງທ່ານຜູ້ອໍານວນການໃຫຍ່  ທະນາຄານນະໂຍບາຍ ແລະ ຕອນທ້າຍກອງປະຊຸມ  ທ່ານປະທານກອງປະຊຸມຍັງໄດ້ໃຫ້ກຽດໂອ້ລົມຕໍ່ພະນັກງານ ໃຫ້ຄະນະຂະແໜງ,  ຮອງຂະແໜງ  ແລະ ພະນັກງານວິຊາການ  ຕັ້ງໜ້າເອົາໃຈໃສ່ປະຕິບັດໜ້າທີ່ວຽກງານຂອງຕົ້ນໃຫ້ຫຼ້ອນ,  ເອົາໃຈໃສ່ເລັງເກັບກູ້
ໜີ້ NPL ແລະ ດອກເບ້ຍຄ້າງຮັບໃຫ້ບັນລຸຕາມເປົ້າໝາຍ ແລະ ກອງປະຊຸມໄດ້ດຳເນີນໄປເປັນເວລາ 01  ຕອນ  ແລະ ໄດ້ປິດລົງໃນເວລາ 10:30 ໂມງຂອງວັນດຽວກັນ.