× ຂ່າວ: ທນບ ສາຂາຫົວພັນ ເປີດກອງປະຊຸມສະຫຼຸບວຽກງານຮອບດ້ານປະຈຳປີ 2018 ແລະ ທິດທາງແຜນການປີ 2019
image

ພາບ-ຂ່າວໂດຍ: ຊົງລີ ຢ່າລື້ໄຊ

ວັນສຸກ ທີ 25 ມັງກອນ 2019 ທະນາຄານ ນະໂຍບາຍ ສາຂາຫົວພັນ ໄດ້ເປີດກອງປະຊຸມ ສະຫຼຸບການເຄື່ອນໄຫວວຽກງານຮອບດ້ານປະຈຳປີ2018 ແລະ ວາງແຜນການເຄື່ອນໄຫວວຽກງານຮອບດ້ານປະຈຳປີ2019 ຂື້ນ ທີ່ຫ້ອງປະຊຸມໃຫ່ຍ ຊັ້ນ III  ຫ້ອງການທະນາຄານ ນະໂຍບາຍ ສາຂາຫົວພັນ ໂດຍພາຍໃຕ້ການເປັນປະທານຂອງທ່ານ ທີບພະກອນ ສູນດາລາ ວ່າການຫົວໜ້າສາຂາ, ເຂົ້າຮ່ວມກອງປະຊຸມ ມີທ່ານ ຄຳພັດ ແກ້ວວິໄລ ຮອງເລຂາໜ່ວຍພັກ ຮອງຫົວໜ້າສາຂາ, ທ່ານ ສົມພານ ຍວນມາ ຮອງຫົວໜ້າສາຂາ, ມີບັນດາຫົວໜ້າ, ຮອງຫົວໜ້າແຕ່ລະຂະແໜງການ, ຫົວໜ້າ, ຮອງຫົວໜ້າແຕ່ລະໜ່ວຍບໍລິການ ແລະ ພະນັກງານວິຊາການ ພາຍໃນຫ້ອງການສາຂາ - ໜ່ວຍ ເຂົ້າຮ່ວມ 52 ທ່ານ, ຍິງ 19 ທ່ານ.

ຄະນະຈັດຕັ້ງພິທີ ໄດ້ກ່າວສະເໜີຈຸດປະສົງຕໍ່ຜູ້ແທນກອງປະຊຸມແລ້ວ ທ່ານ ທີບພະກອນ ສູນດາລາ ວ່າການຫົວໜ້າສາຂາ ໄດ້ກ່າວເປີດກອງປະຊຸມຢ່າງເປັນທາງການ.

-     ທ່ານ ສາຍພູຫຼວງ ອຸດົມສຸກ ຫົວໜ້າຂະແໜງຫ້ອງການ ໄດ້ຂື້ນຜ່ານບົດສະຫຼຸບການຈັດຕັ້ງປະຕິບັດແຜນປີ2018 ແລະ ທິດທາງແຜນການ ປີ 2019 ຕໍ່ກອງປະຊຸມ.

-     ທ່ານ ສຸກສາຄອນ ສຸລານີ ວ່າການຫົວໜ້າຂະແໜງສິນເຊື່ອ ໄດ້ຂື້ນຜ່ານບົດສະຫຼຸບການເຄື່ອນໄຫວວຽກງານ ສິນເຊື່ອ ປີ 2018 ແລະ ແຜນສູ້ຊົນຈັດຕັ້ງປະຕິບັດ ປີ 2019.

-     ທ່ານ ຄຳຜິວ ອິນທະວົງ ຫົວໜ້າຂະແໜງກວດກາ ໄດ້ຂື້ນຜ່ານບົດສະຫຼຸບການເຄື່ອນໄຫວວຽກງານກວດກາ ປະຈຳປີ2018 ແລະ ແຜນເຄື່ອນໄຫວ 2019.

-     ຜ່ານການຈັດຕັ້ງປະຕິບັດໃນປີ 2018 ສາມາດສະຫຼຸບໄດ້ບັນຫາທີ່ພົ້ນເດັ່ນຫຼາຍດ້ານເຊັ່ນ: ສົກປີ 2018 ຜ່ານມາ ທນບ ສາ

ຂາຫົວພັນ ໄດ້ຮັບແຫຼ່ງທືນຈາກສຳນັກງານໃຫ່ຍທັງໝົດ:44,045 ຕື້ກີບ, ປະຕິບັດຮອດທ້າຍປີ 2018 ໄດ້ທັງໝົດ: 36,705 ຕື້ກີບ ທຽບໃສ່ແຜນການປະຕິບັດໄດ້ 83,34% ຂອງແຜນການ, ແຫລ່ງທືນເມືອງເປົ້າໝາຍ 29,401,000,000 ກີບ ທຽບໃສ່ແຜນການປະຕິບັດໄດ້ 87,96% ຂອງແຫລ່ງທືນ, ແຫລ່ງທືນທົດລອງ 3 ສ້າງ 535.000.000 ກີບ ທຽບໃສ່ແຜນການປະຕິບັດໄດ້ 72,79% ຂອງແຫລ່ງທືນ, ແຫລ່ງທືນຈຸດສຸມລັດຖະບານ, ທ້ອງຖີ່ນ 888.000.000ກີບ  ທຽບໃສ່ແຜນການປະຕິບັດໄດ້ 100% ຂອງແຫລ່ງທືນ, ການເກັບກູ້ໜີ້ສິນທົ່ວສາຂາສາມາດເກັບກູ້ໄດ້ທັງໝົດ:45.521.689.641ກີບ ທຽບໃສ່ແຜນການປະຕິບັດໄດ້ 126,98% ຂອງແຜນການ, ເກັບດອກເບັ້ຍໄດ້ທັງໝົດ:17,376,276,110 ກີບ ທຽບໃສ່ແຜນການປະຕິບັດໄດ້77,52% ຂອງດອກເບັ້ຍເກີດຂື້ນທັງໝົດການເຄື່ອນໄຫວປະຕິບັດວຽກງານໃນປີຜ່ານມາໄດ້ປະຕິບັດການປ່ອຍສິນເຊື່ອ ເພື່ອແກ້ໄຂຄວາມທຸກຍາກຂອງປະຊາຊົນໃນຂົງເຂດບ້ານສາມສ້າງ, ຈຸດສຸມ ແລະ ເມືອງເປົ້າໝາຍແມ່ນ ທ່ວງທັນກັບເວລາ ທີ່ ທນບ ສຳນັກງານໃຫ່ຍກຳນົດໃຫ້.

     ທ່ານປະທານ ໄດ້ເຜີ່ຍແຜ່ເນື້ອໃນບົດບັນທືກກອງປະຊຸມສະພາບໍລິຫານ ທນບ ສະໄໝສາມັນຄັ້ງທີ່ II ສະບັບເລກທີ 150/ສພບ, ລົງວັນທີ 31 ທັນວາ 2018, ບົດບັນທຶກສະຫຼຸບວຽກງານປະຈຳປີ 2018 ແລະ ທິດທາງແຜນການປີ 2019 ສະບັບເລກທີ 81/ທນບ, ລົງວັນທີ 16 ມັງກອນ 2019, ຂໍ້ຕົກລົງ ວ່າດ້ວຍລະບຽບ ການສັບຊ້ອນ-ຈັດວາງພະນັກງານຂອງທະນາຄານນະໂຍບາຍ ສະບັບເລກທີ 50/ທນບ, ລົງວັນທີ 10 ມັງກອນ 2019, ຮ່າງ ຄູ່ມືສິນເຊື່ອ ກ່ຽວກັບຮັບເອົາຫຼັກຊັບ ແລະ ສິນເຊື່ອມາຊຳລະໜີ້ເງິນກູ້ ແລະ ຂໍ້ຕົກລົງ ແຕ່ງຕັ້ງຄະນະຮັບຜິດຊອບປະເມີນສິນເຊື່ອ ທີ່ບໍ່ເກີດດອກອອກຜົນ(NPL) ສະບັບເລກທີ 38/ທນບ.ຫພ, ລົງວັນທີ 15 ມັງກອນ 2019 ເພື່ອໃຫ້ບັນດາຂະແໜງການ, ໜ່ວຍບໍລິການ ນໍາໄປຈັດຕັ້ງຜັນຂະຫຍາຍ.

      ສຸດທ້າຍ ກອງປະຊຸມໄດ້ຮັບຟັງການໂອ້ລົມໃຫ້ທິດຊີ້ນຳ ໂດຍທ່ານໄດ້ເໜັ້ນໜັກ ໃຫ້ເອົາໃຈໃສ່ສຶກສາອົບຮົມວຽກງານການເມືອງນຳພາແນວຄິດໃຫ້ສະມາຊິກພັກ, ພະນັກງານຢ່າງທົ່ວເຖິງເປັນປົກກະຕິ, ເພີ່ມໃນການຕິດຕາມຕາຕະລາງປະເມີນໜີ້ NPL ທີ່ສາຂາແຈ້ງໃຫ້ໜ່ວຍ ເພື່ອສ້າງແຜນຕິດຕາມເກັບໜີ້ ບໍ່ໃຫ້ມີໜີ້ NPL ເກີນ 3% ໜີ້ NPL ເກັບໄດ້ຫຼາຍກ່ວາ 30%, PL ໃຫ້ໄດ້ 95%, ວຽກງານກວດກາ ຕ້ອງມີແຜນກວດກາແຕ່ລະວຽກຢ່າງລະອຽດ, ຜູ້ເຮັດວຽກກວດກາຕ້ອງມີຈັນຍາບັນ, ມີຄວາມເປັນແບບຢ່າງຮອບດ້ານ ແລະ ປະຕິບັດແຜນກວດກາປະຈຳປີໃຫ້ສຳເລັດ 100%, ວຽກງານຫ້ອງການ ໃຫ້ກວດກາອຸປະກອນຮັບໃຊ້ຢູ່ບັນດາໜ່ວຍບໍລິການ ຊັບສົມບັດຕ້ອງໄດ້ຊື້ທົດແທນໂຕທີ່ເປ່ເພ, ກວດກາຄືນລະບຽບຄຸ້ຄອງພະຫະນະ ບໍ່ໃຫ້ມີລົດປະຈຳຕຳແໜ່ງ, ຕິດຕາມການປະຕິບັດໂມງເວລາຂອງພະນັກງານ, ການນຸ້ງຖືຕ້ອງເປັນລະບຽບຕາມທີ່ສຳນັກງານໃຫຍ່ກຳນົດໃຫ້, ເອົາໃຈໃສ່ວຽກງານປ້ອງກັນເວນຍາມ ໃຫ້ມີຄວາມສະຫງົບ 100 %, ວຽກງານບັນຊີ-ໄອທີ ໃຫ້ກະກຽມຈັດຝຶກອົບຮົມວຽກງານ CoreBanking ກັບພະນັກງານຢູ່ໜ່ວຍຕື່ມ, ເອົາໃຈໃສ່ວຽກງານ CoreBanking ເພື່ອຖຶກຕ້ອງຮອງຮັບ ໃນການຢຸດໃຊ້ Bank2009, ພະນັກງານບັນຊີຕ້ອງມີຄວາມລະອຽດຮອບຄອບ, ເພີ່ມໃນການສົມທົບກັບຂະແໜງສິນເຊື່ອຄືນແຫຼ່ງທືນກູ້ຢືມຈາກສຳນັກງານໃຫຍ່, ວຽກງານຄັງເງິນສົດຕ້ອງປະຕິບັດຕາມລະບຽບບັນຊີຢ່າງຖືກຕ້ອງ.

         ຕອນທ້າຍ ການດຳເນີນກອງປະຊຸມ ກໍ່ໄດ້ປິດລົງໃນເວລາ 16 ໂມງ 45 ນາທີ ຂອງວັນດຽວກັນ.