× ທນບ ສາຂາອຸດົມໄຊ ເປີດກອງປະຊຸມ ສະຫຼຸບຕີລາຄາການເຄື່ອນໄຫວວຽກງານຮອບດ້ານ ປະຈຳໄຕມາດ I ແລະວາງທິດທາງແຜນການ ປະຕຳໄຕມາດ II
image

ພາບຂ່າວໂດຍ: ສອນໄຊ ສິນຍາ

ໃນຕອນເຊົ້າ ຂອງວັນທີ່ 10 ພຶດສະພາ 2019 ທີ່ຜ່ານມາ ທະນາຄານ ນະໂຍບາຍ ສາຂາອຸດົມໄຊ ໄດ້ເປີດກອງປະຊຸມ ສະຫລຸບການເຄື່ອນໄຫວວຽກງານ ຮອບດ້ານ 3 ເດືອນຕົ້ນປີ ແລະວາງທິດທາງ 6 ເດືອນຕົ້ນປີ 2019ໂດຍການເປັນປະທານ ຂອງ ທ່ານ ແສງໝັ້ນ ແກ້ວເມືອງເໜືອ ຫົວໜ້າທະນາຄານ ນະໂຍບາຍ ສາຂາອຸດົມໄຊ ເຊີ່ງມີ ຄະນະສາຂາ, ຄະນະຂະແໜງ, ຄະນະໜ່ວຍບໍລິການ ທັງໝົດເຂົ້າຮ່ວມ 26 ທ່ານ, ຍິງ 4 ທ່ານ.

          ທ່ານ ພົງເພັດ ນວນມຸກດາວົງ ຮອງຫົວໜ້າທະນາຄານ ນະໂຍບາຍ ສາຂາອຸດົມໄຊ ໄດ້ຂື້ນຜ່ານບົດສະຫຼຸບ ການເຄື່ອນ ໄຫວ ວຽກງານ ຂອງທະນາຄານນະໂຍບາຍ ສາຂາອຸດົມໄຊ ປະຈຳໄຕມາດທີ່ 1 (3ເດືອນຕົ້ນປີ) ແລະວາງທິດທາງແຜນການ ປະຕຳໄຕມາດທີ່ 2 ສົກປີ 2019 ເຊີ່ງທ່ານໄດ້ຍົກໃຫ້ເຫັນ ຜົນງານທີ່ຍາດມາໄດ້ ພ້ອມທັງດ້ານດີ, ດ້ານອ່ອນ ແລະຂໍ້ຄົງຄ້າງ ໃນການຈັດຕັ້ງປະຕິບັດວຽກງານຜ່ານມາ ໃນໄລຍະ 3 ເດືອນຕົ້ນປີ, ຜັນຂະຫຍາຍເນື້ອໃນຂອງກອງປະຊຸມ ວຽກງານກວດກາ ປະຈຳປີ 2018 ສະບັບເລກທີ່ 533/ທນບ ລົງວັນທີ່ 18 ເມສາ 2019, ຜ່ານຂໍ້ແຂ່ງຂັນຮັກຊາດ-ພັດທະນາຕິດພັນ ກັບການສະໜອງສິນເຊື່ອ ປະຈຳປີ 2019 ແລະໄດ້ຜ່ານຮ່າງແບບຟອມນິຕິກຳສິນເຊື່ອ ພາກສະໜາມປັບປຸງເພີ່ມໃໝ່ ຈຳນວນໜື່ງ ເພື່ອໃຫ້ສອດຄ່ອງກັບ ສະພາບທ້ອງຖີ່ນ. ພ້ອມນັ້ນ ບັນດາໜ່ວຍບໍລິການ, ຄະນະຂະແໜງ ແລະພະນັກງານວິຊາການສິນເຊື່ອ ພາກສະໜາມ ກໍ່ໄດ້ປະກອບຄຳຄິດຄຳເຫັນ ຕໍ່ເນື້ອໃນຂອງບົດສະຫລຸບປະຈຳໄຕມາດ ແລະຍັງໄດ້ນຳເອົາບັນຫາ ທີ່ຄົງຄ້າງໃນໜ້າວຽກ, ການເກັບກູ້ໜີ້ສິນ, ໜີ້ NPL, ດອກເບ້ຍຄ້າງ, ໜີ້ກາຍສັນຍາ ນຳສະເໜີ ຕໍ່ກອງປະຊຸມ ເພື່ອຂໍທິດຊີ້ນຳໃນການຈັດຕັ້ງປະຕິບັດ-ແກ້ໄຂປັບປຸງໃຫ້ດີຂື້ນເທື່ອລະກ້າວ.