× ກຳມະບານ ທນບ ປະກອບສ່ວນສະໜອງທຶນເປົ້າໝາຍພັດທະນາຂອງພັກ
image

ກອງປະຊຸມໃຫຍ່ຄັ້ງທີ III ຂອງຄະນະກຳມະບານຮາກຖານທະນາຄານນະໂຍບາຍ (ທນບ) ໄດ້ສໍາເລັດລົງວັນທີ 24 ພຶດສະພາ 2019 ພາຍໃຕ້ການເປັນປະ ທານຂອງສະຫາຍ ແສງຈັນ ແກ້ວສ່ອງແສງ ປະທານຄະນະກຳມະບານຮາກຖານ ທນບ ໂດຍການໃຫ້ກຽດເຂົ້າຮ່ວມຂອງສະຫາຍນາງ ຂັນແກ້ວ ຫຼ້າມະນີເງົາ ກໍາມະການຄະນະພັກທະນາຄານແຫ່ງ ສປປ ລາວ (ທຫລ), ປະທານສະຫະພັນ ກໍາມະບານ ທຫລ, ສະຫາຍ ວຸດທິ ເລື່ອນ ວິໄລວົງ ກໍາມະການຄະນະພັກທຫລ, ເລຂາຄະນະພັກຮາກຖານ-ຜູ້ອໍານວຍການ ທນບ ພ້ອມຄະນະ, ຄະນະກຳມະບານຮາກຖານທະນາຄານທຸລະກິດລັດ ແລະ ບັນດາຫົວໜ້າໜ່ວຍ-ສະມາຊິກກໍາມະບານເຂົ້າຮ່ວມ.

ກອງປະຊຸມໃຫຍ່ໃນຄັ້ງນີ້; ສະຫາຍປະທານຄະນະກຳມະບານຮາກຖານ ທນບ ໄດ້ລາຍງານສະພາບການປະຕິບັດມະຕິກອງປະຊຸມໃຫຍ່ໃນໄລຍະ 5 ປີຜ່ານມາ ຊຶ່ງໄດ້ຍົກໃຫ້ເຫັນຜົນງານທີ່ພົ້ນເດັ່ນ ແລະ ຂໍ້ຄົງຄ້າງໃນການຈັດຕັ້ງການເຄື່ອນໄຫວວຽກງານທີ່ຜ່ານມາໂດຍສະເພາະການປະກອບສ່ວນໃນການສະໜອງ ສິນເຊື່ອເພື່ອການຜະລິດເປັນສິນຄ້າ, ສ້າງວຽກເຮັດງານທໍາຢູ່ 71 ເມືອງເປົ້າໝາຍ; 64 ຈຸດສຸມ ແລະ 109 ບ້ານ 3 ສ້າງຊຶ່ງແຕ່ລະປີໄດ້ຮັບການອະນຸມັດແຫຼ່ງທຶນຈາກ ທຫລ ສະເລ່ຍເພີ່ມຂຶ້ນ23,22%; ມາຮອດເດືອນມີນາ 2019 ມີຍອດສິນ ເຊື່ອທັງໝົດ 3.101,71 ຕື້ກີບ ໃນນີ້ເມືອງເປົ້າໝາຍ 2.054,49 ຕື້ກີບ, ຈຸດ ສຸມລັດຖະບານ-ທ້ອງຖິ່ນມີ 329,17 ຕື້ກີບ, ບ້ານ 3 ສ້າງມີ 291,38 ຕື້ກີບ ແລະສິນເຊື່ອໂຄງການບູລິມະສິດຜະລິດ ເປັນສິນຄ້າ 426,65 ຕື້ກີບ; ການເຂົ້າ ເຖິງແຫຼ່ງທຶນຢູ່ເມືອງເປົ້າໝາຍມີ 3.404 ບ້ານ 185.807 ຄອບຄົວ, ຈຸດສຸມລັດຖະ ບານ-ທ້ອງຖິ່ນກວມເອົາ 56 ເມືອງ, 413 ບ້ານ ແລະມີ 25.829 ຄອບຄົວ; ບ້ານ 3 ສ້າງມີ 62 ເມືຶອງ, 134 ບ້ານ, 29.078 ຄອບຄົວ; ຜ່ານການຈັດຕັ້ງປະຕິບັດວຽກງານດັ່ງກ່າວໄດ້ເກີດມີໂຄງການທີ່ພົ້ນເດັ່ນ 183 ໂຄງການ, ມີຄອບຄົວຕົວແບບ 239 ຄອບຄົວ ແລະພ້ອມນີ້ມີບັນຫາພົ້ນເດັ່ນອື່ນໆໃນຫຼາຍດ້ານ.

ກອງປະຊຸມຍັງໄດ້ວາງທິດທາງແຜນການໃນຕໍ່ໜ້າໂດຍເລັ່ງໃສ່ຈັດຕັ້ງຜັນຂະຫຍາຍບັນດາມະຕິຂອງພັກ, ແຜນພັດທະນາເສດຖະກິດ-ສັງຄົມຂອງລັດຖະບາ ນໂດຍສະເພາະຂອງຄະນະພັກ-ຄະນະຜູ້ວ່າການ ທຫລ ແລະຄະນະພັກ ຮາກຖານ-ຄະນະອໍານວຍການ ທນບ ວາງອອກ; ໃນຂະນະດຽວກັນ, ກອງປະຊຸມຍັງໄດ້ມີການປ່ອນບັດຄັດເລືອກເອົາ ຄະນະກຳມະບານຮາກຖານທນບຊຸດ ໃໝ່ ໂດຍສະຫາຍ ຄໍາອົ້ນ ຈັນສຸລິມາດ ເປັນປະທານ ແລະເລືອກຮອງປະທານ 2 ສະຫາຍ ຄື: ສະຫາຍ ບຸນເພັງ ຄໍາພິລາວົງ ເປັນຜູ້ປະຈໍາການ ແລະສະຫາຍ ບຸນລັດ ຫຼວງໄຊ ເປັນປະທານກວດກາ.

ໃນໂອກາດດຽວກັນນີ້, ສະຫາຍເລຂາຄະນະພັກຮາກຖານ ທນບ ແລະສະຫາຍປະທານສະຫະພັນກໍາມະບານ ທຫລ ໄດ້ຜັດປ່ຽນກັນມີຄໍາເຫັນໂດຍສະເພາະໃຫ້ເພີ່ມທະວີວຽກງານການເມືອງ-ແນວຄິດຊຶ່ງບັນດາສະຫາຍສະມາຊິກກຳມະບານຕ້ອງໄດ້ປະຕິບັດວິໄນຢ່າງເຂັ້ມງວດເພື່ອເຮັດອົງການຈັດຕັ້ງຂອງກຳມະບານ   ປັນກຳລັງແຮງຂອງພັກ ແລະ ເພີ່ມທະວີໃນການສໍາຫຼວດກວດກາພາຍໃນໜ່ວຍຢ່າງຕໍ່ເນື່ອງປົກກະຕິ, ເຊີດຊູບົດບາດການນໍາພາຂອງ, ມີຫຼັກການລວມສູນປະຊາ ທິປະໄຕ ໂດຍສະເພາະກຳມະບານຂອງ ທນບ ຕ້ອງຕິດພັນກັບການພັດທະນາຊົນ ນະບົດ, ຕິດພັນກັບບັນດາປະຊາຊົນບັນດາເຜົ່າໃນວຽກງານການແກ້ໄຂຄວາມທຸກຍາກຢູ່ບັນ¬ດາເມືອງເປົ້າໝາຍ, ຈຸດສຸມພັດທະນາລັດຖະບານ-ທ້ອງຖິ່ນ ແລະ ບ້ານ 3 ສ້າງທັງນີ້ເພື່ອຈັດຕັ້ງປະຕິບັດແນວທາງປ່ຽນແປງໃໝ່ຮອບດ້ານຢ່າງມີຫຼັກການຂອງພັກໃຫ້ປະກົດຜົນເປັນຈິງ.

    
ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ